فقْد

1- تتعانق الأيادي معلنةً اشتهاءً أسير خطوات تلك الأعين
فوق أجساد البشر المنفلتة من عباءة البيوت/ بلون الخضار,
والمنفرطة فوق الكورنيش الملتحم ساعة تنفطر الشمس فراقا.
2- تتجادل العيون مدا وجزرا
من خلف كل جدار يثّاقل .. مزهقا - يحاول -
أي قطرة ندى على ثمرة تفاح .
3- حين تبرق الضحكة في ضوء القمر
تتهافت القلوب كفراشات في سلة نور
وهو على الشاطئ الآخر
يغازل خياله
على صفحة النيل .

ذكرى

باحنّ لأيام الخُنّ

كباية الشاي والبنّ

والكلمة الدايخة

والقصيدة مغمّسة

يحلى المسا

ويجنّ

يحرّقنا الكلام ونغرّقه

فيك يا قمر

وفيــــــــــــــن...؟؟

باعرف رطريقي كل ما يعضّ الحنين

( بنجوم تلاتة ) مسطَّرة كتاب اللي جاي

واللي فات

اللي عمره يوم ما مات

مخلوط بدمعة كل حرف بيعصره قلمي

عاشق ومعشوق

وآدي الغناوي ملبّسة

وملبّسانا توب

سندسي منقط بطرح المواويل القديمة

واللي لسة مرطّبة

على قلوب الحبايب والصحاب .

أحمد خلف عبد الرحيم

arkhalef2002@yahoo.com

موال الغربة

محارةٌ..

غُلّقت البحارُ على أنيني

فانثنيتُ أعاود البسم الجريح

ألملمُ قطرات ما سفح الزمانُ

وما أحل من دمي

ترتاح في كفي الحمائم

ترسل هدهدات الأمس في قلبي هديلا

تسالمني ..

تقبّلها يميني بالسلام..

تطهرها عيوني

ترتاح في كفي الحمائم..

تستسيغُ الجرح / موّالي

وموّالي عيون الليل والنجم المفارق.

غريبٌ ..

يهاجر كل طرف فيّ..

يهجر الأوطان والخلان والسكنَ

ثاوٍ على القلم (الولود)بجرحي الطارح يغمسه

يعيد كتابتي ألفًا فباءَ

قطعا من الليل

ويتلوني على لحدي..

تشجرّه دموعي ,

وتطلب الغفران.

أحمد خلف عبد الرحيم

arkhalef2002@yahoo.com

سفر

ويظل موعد الرحيل مسالما

يعلن كل صباح :

غصن سلام أخضر يعقف شعر الريح

أن المد بطول البيد يطارد أي سنين عجاف

يروي عطش الشمس

يعلن جمعا أن عشاءهم ماكان أخيرا

يشهد فيض الشعراء ००

قلوبا يسكرها الظمأ وليلا

تحرقه نار العشق:

أن البدر يجوب البيد يطارد أفئدة قفرا

ويمنح مدا للبحار००

يعاود نسج اللقيا والبسمات

يعلن00يعلن

مسالما موعد الرحيل يظل

وفجأة००

يفتت أنغاما ألغاما في الأعضاء

في الساحات القفرة

في الساعات

وتمر00تجر الطلل الوحشة

ريحا تعلن موالا أن فات

يا أيتها القابلة سلاما

هل أحلاما أن يقبلنا الرحم جديدا

يا أيتها الأم حراما

لما نزل شعورا००

قلبا غضا

لونا بضا

ما استهواه

معنى سفر.

أحمد خلف عبد الرحيم

arkhalef2002@yahoo.com

انشطار

أيهذا الليل الملقى فيّ

يتشرّب دمعي ويغلّق بواباته دون البوح

يستسلم صدري لصرير يقتلع جذوري

ينبش عن ماء رائق / يتدفق في قلب غض

لا يعرف دمعا إن يضحك

لو يبكي 00الدمع بسخرية وبريق

مشطور قلبي نصفين:

نصف يحتلب الفائت ويقطره دمعا /يستلّ سيوفا لا تخطئ أبدا

نصف 00أعلن هجرته

أعلن أن لا وطنا

لا دينا००

لا تاريخا إلا

تاريخ البارود المشتعل بأنفي

تاريخ الأرض المغروسة جثثا

تاريخ اللعنة

أعلن أن لا أمس

لا مددا

لا فجرا

لا شمسا

لا قمرا يروي قلبا مشتاقا

يغسل نفسا00ويرتق أسمالا

ينبت نخلا00تينا00زيتونا

حبات لآلئ 00أنهارا

يثمر فينا أشعارا

تسبينا

تسبي كل سماء بعدت فينا

مشطور 00نصفين

في هذا الليل الملقى فيّ

أنبش عنّي

أحمد خلف عبد الرحيم

arkhalef2002@yahoo.com

أنا مش إخوانجي أو حزب يسار

ولا حتى كفاية ولا تبع الغد

أنا مش تيار يتدّحلب جوه

فاتح على بره ومستني المد

لا أنا رأسمالية متربي فـ خيرها

ولا من دلاديلها وببوس اليد

ولا أنا اشتراكية ولا كنت ناصرها

أو شفت مصيرها عضيت الأرض

مش حزب سياسي تنظير لكراسي

والناس بتقاسي ولا شاغل حد

***

أنا شخص جسور واقف في طابور

ملضوم في طابور والسوووور ممتد

معصوب في سواقي بتلف تدور

عكس الأيام ..والنوم يتعدّ

شيال في هموم مغصوب ع العوم

وبصارع موج للعزم يهدّ

**

أنا شخص بسيط

بيقولوا ساعات ساذج وعبيط

لكني حويط 00أتشال واتحطّ/

مافي يوم نخّيت00ولا يوم غطيت عن ظلم عنين

ولا يوم وطيت عشان أرفع حدّ

ولسان 00في الحق سيوف ما بتعرف خوف

في كلام وسكوت كرابيج تشتدّ

أنا صوت مسموع

أنا ثورة عدل وثورة جوع

لو يوم رديت للشمس سطوع

الكون يرتدّ

لكني صبورباستنى لغااااااية آخر الدور

وساعتها يبان كل المستور , ينفتح السدّ

وأعيد الحسابات من تاني

مين بكّاني

مين أحياني فــ أوهام تحتدّ

لا أنا حزب يمين 00ولا حزب شمال

وكلام يتقال 00والسوق ينفض

أحمد خلف عبد الرحيم

يا روح اكتوبر الصاحية وبترفرف على قلوبنا في يوم العيد

يا فجر جديد

شق الليل ونورنا في دوارنا وقام الضهر من تاني

صحاني

غسل وشي بنداه الصابح ووضاني

فرد سينا وقال صلي

على روح اللي شال مدفع على كتفه

وقلب وسهم وبدمه رسم بلده

على صدره حكى حكايته...

حكاية عشق رباني اتولد في القلب موال

غناه..

ولسه لسانه مااتعلم يقول يامه ويامايه

غناه

لحد العشق ما اتشكل قصايد شوق واحلام

لحد العشق ما اتلون بلون الزرع والرغبة

هجر ناسه وشال فاسه وراح ع المهر متوكل

ضرب بايديه ولسه الناس بتتاوب

ونبت النخل يتمايل وشاقق الطريق للجاي

وآدي الشمس بجناحها تضمه ويا عود اخضر

وفوق الرملة متوضي سلاح الحق عطشان

لتكبيرة الصلاة يصلّي

ويصْلي الظلم من ناره

لضرب النار فتح صدره وعدّا لها

على تلالها..
سجد ع الرملة خضرها

رفع رايته بلون الدم والشوق

وغنالها..

راجعلك.. بعد طول البعد والفرقة

أضمك.. قلب يأويني من الغربة

وإن لف الرحيل اسمي
ولو صوتي هجر رسمي

هتلقيني

شعاع شمسك يدفيكي

في بدرالليل بناجيكي

في نجمة بعيدة باتهجاكي واكتبلك

بحبك.

أحمد خلف عبد الرحيم

شجر اللمون دبلان

" شجر اللمون دبلان على أرضه "

قبره شراقي

مدفون في ديل صبره

نعست عيون الشمس
والناعسة دايرة بالشعور وسط الخلايق
نشف الطريق عرقه
وانفضّ م السوق الحمير والحمّارين
والحمّالين
الضهر محني
والكفوف
تدبح رغيف العيش وتشرب ناره
على لمبة الجاز - ودخان القوالح
والوَشّ بيصفّر فــ ودن الدار وداير ع البيبان م الفجر
والريحة فايحة
من زلعة المشّ القديم
من زمان ما اتعوّد الفاس ع الأرض
والحمير ع الفلاحين
والسوق سواقي
والسواقي جفّ منها دمعها
تبات فــ حضن الخلا
والطير على خيره
والناعسة دايرة بالشعور وفــ حلقها
موال ومحشور
{شجر اللمون دبلان على أرضه
نشف الخَضَار م العروق
وانشلّ فيه جدره }
أحمد خلف عبد الرحيم

موقوتة

موقوتةٌ هي أحلامنا

أرواحنا الأسيرة خطوكم

..أقلامنا

..موقوتة

..هي

أحلامنا

أحمد خلف عبد الرحيم

مفعولون

مفعولون

ما بين الفُعّلِ والأفعال

..مفعولون

/ لا نملك غيرَ لسانْ

هضمته الرغبة في أحشاء الصحراء الحبلى

. بــ المفــااااااااااااعيل

***

/عين ثكلى

يلبد فيها الرملُ بليلٍ أو ببزوغ

............تنتصبُ

. ثم تزووووغ

***

/ قلبٍ

يركع فيهِ الليلُ ويسجدْ

يفنى في كروانه

يعلو يعلو يعلو

. ثم ينامْ

***

أحكام

لا تشهر للشمس رموشك حتى تبصرْ }

إن شاهدت شعاعا يوما

بينا... تمارس

لوح بلسانك

من نام على الخزّ ليس كمن سار على الوخز

{والأحضان الدافئةُ تورّث الأحلام

أحمد خلف عبد الرحيم

جتكم ثورة

جتكم واحد زي عرابي

راجل كده في الزمن الصعب

و فـ ساحة عابدين يتمطع

يجأر صوته بشكوة شعب

***

جتكم شيخ زي عمر مكرم

يأسر كل الناس حواليه

سيفه الحكمة تهز عروش

وتزلزل من باشا لـ بيه

***

جتكم زي زعيم الأمة

أو مصطفى كامل وفريد

قاضي محامي عالم عامل حر عنيد

ليه مهدورة كرامتنا والعدل شهيد

***

جتكم مصري راضع من نيلها

شارب شايها فـ حواريها

فارس فاسه طارح خيرها

وفـ وقت الشدة حاميها

***

جتكم يوم فتح الحسابات م الأول وتدور الدورة

جتكم يوم _ في الوقت الضايع _ تتعلموا من مصر الحرة

جتكم ثورة

أحمد خلف عبد الرحيم

arkhalef2002@yahoo.com

ديمقراطية مصر العربية

مصر بلدنا دي جمهورية

نفسنا تبقى ديمقراطية

***

من يوم ما عرفنا الطوابير

مش بنحازي غير على برّه

أمريكا وولاياتها الحرة

أحرار تمثال الحرية

أنصار الحزب الجمهوري

يوم .. والثاني ديمقراطية

طب ما نحازي مرة بجدّ

ونفصّل حزبين ع القدّ

يبقى أكيد الصفوة فـ كوم

والجماهير في الكوم الثاني

دا ديمقراطي .. ودا جمهوري

وسنعلن وبحسّ جهوري

( إن الشعب بكل فئاته

العايشين منهم أو ماتوا

هيبطّل يلعب جمهور )

يا سلام كده وبقدرة حاكم

يتغيّر دوغري الدستور

دستور الحكم الجمهوري

{تصبحُ مصرُ الحرةُ وطناً

ينعمُ بالديمقراطية}

تحيا مصر ديمقراطية

أحمد خلف عبد الرحيم

arkhalef2002@yahoo.com

حكومة الحكيم

حكمت حكومة الحكيم كان حكمها حكمة
حاكم حكومة الحكيم حاكمانا بالحكمة
***
حكمتها فيها الشفا لكل عقل رجيم
عكّر عقولنا البريئة بكلمتين ناعمين
فتّح عنين العيال وسمعنا ليهم صوت
يا بختة من داق دواها يرتاح مع المرتاحين
***
حكمتها رحمة ونور على كل نفس حقودة
ترقيها من حقدها ومن عنيها الحسودة
رقوتها متجربة قبل الزمان بزمان
تطلع في إيدها الروح بشيطانها , تطلع بتوبة
***
حكمتها فيها الفرج ,جنتنا فوق الأرض
طوق النجاة للغريق , وللمحرومين القرض
هيّ الدفا والأمان والبوصلة في التوهة
والروضة جوة القبور, والضل يوم العرض
***
حكمتها متودّكة لا تقول لا سين ولا جيم
خبرة في فن الخصخصة , والبيع في قوت الغلبانين
باعت ما باعت , ليه ؟ بكام ؟ دا الحد والمصلحة
غير الوصاية يا سلام , ويا بخته مين قال آمين
***
حكمتها حكمة مخلدة , أما الحكيم ذاته
حالف ليسقي حكمته حتى ان ما طالت حياته
تركة وإيه متقسمةفيها النصيب معلوم
دستوره سيفه قال كمان , والعدل كان من سماته!!
أحمد خلف عبد الرحيم
arkhalef2002@yahoo.com

إمتى تثور

نشف المداد بين السطور واتقشرت فوقها الكتاية

طلت ما بين حضن الورق كفي

بخيطان عناكب منسوجين ولا ملامح ناس غلابة

تاهت فـ عتمة لون شقاها خطوتي

فات كام قمر

فات كام محاق

غمّست فيه سن القلم

ينزف حنين .. يطرح كلام

وسط بحر الموج يخطط سكتي

و ادي الشراع فوق القلوع فارد

ينتفض فيّ بسكوت

يختلي بقلبي فـ سلام

يجنح في ظل الليل على شطي البعيد سارح

فايت بمواله القديم

يابن السبيل حوّد يضمك حيّنا

يابن السبيل مدّ الإيدين وابدر فدادين أرضنا

حبة أمل .. حبة ألم

حبة جنان تملى قلم

ترتاح على صدره قلوب المجروحين

تروي جدور عقل اللي مصلوب من زمن

تروي الحمام الاخضر غناوي الطيبين

وتشبّك الشمس (اللي تايهة ) في السما

مشتاق أنا

لسنابل الغلة تزرّع فوق جبيني

لسنابك الخيل تمرح في شراييني

لجناين النور .. تثور

ترمي شباكها ع الغيطان

تفتح بيبان الليل تطل بحلمها

من حقها

صوت حلمها .. يغزل خطاوي الشوق

ولو على صفحة ورق

يابن السبيل : نشف المداد بين السطور

إمتى تثور .. إمتى تثور ؟؟؟

أحمد خلف عبد الرحيم

arkhalef2002@yahoo.com

عيد بأية حال عدت ياعيد

يا شمس يا طالعة وطارحة جناحين وحبة دفا

وضحكة نسمة يتمايل

وقطفة فل

يا زغرودة في فم الواد وقلب البنت

وغنيوة على لسان الهنا بايتة في حضن الكل

***

يا شمس يا غازلة الشراع والشبك

يا شمس يا مرسى المحار والخير

يا نقطة مية تروينا

وكسرة خبز تطعم طير

اشمعنا في يوم العيد بتكفينا ؟؟
أحمد خلف عبد الرحيم
arkhalef2002@yahoo.com

بمناسبة حوادث افترا الظباط وضرب المواطنين

عجبي عليك يا قفا لما القلم بيرن

شيال حمول يا قفا لو كان جبل هيئن

يا خوفي يوم تنحني ما تنفرد تاني

وتنخ يا محترم ولا للكرامة تحن

********

عجبي عليه الجدع لما يقول الآه

ما تدري دي شكوته ولا دعا لله

يحيي نفوس رنخت وضميرها تايواني

يا ياخده في رحمته ومنهم لقضاه

********

عجبي علي المحبوسين والسجن براني

زنازين علي كل لون والحارس الجاني

فيها الشريف مستحي والبلطجي سيده

وذنبه انه افتري واتبلي علي الزاني

********

عجبي علي اللي علي باع واشتري فينا

نصب المزاد من زمان والورث كان لينا

نسي اللي هانت عليه العشرة من بدري

يسد عينا بترابه أو حتي يدعينا

********

عجبي علينا وعجب ولا العجب منا

لما يسيل البكا ع المربوطين بينا

نخاف وجنب الحيطان نمشي ونداري

لاحسن في ساعة القضا رجلينا تتحني

اأحمد خلف عبد الرحيم

arkhalef2002@yahoo.com

رباعيات عن الفاسدين

اسمع كلام الحق فيك في دماغك الفاضي
ياللي على الخلايق عامل لنا قاضي
تحكم وتتحكم فينا على راحتك
وكأن أرواحنا ملكك من الماضي
****
لإمتى ياللي عل كتافنا وراكبنا بالمقلوب
سايقنا مرة بعصاية والتانية بالمركوب
تكونش ياللي ابتديت - آخرتها مش باينة -
قدرنا من بختنا والوعد والمكتوب
*****
سايق عليك الجنيه والأوليا كلهم
الأخضر والأحمر يابيه واليورو من ضمنهم
ترتاح كفاية بقى دي الدنيا وما فيها
تاخد يومين بغددة وتتوب قوام بعدهم

احمد خلف عبد الرحيم

arkhalef2002@yahoo.com

بمناسبة تعليق أحمد نظيف عن الشعب المصري بأنه لم ينضج بعد ليتقبل الديمقراطية

شعب نونو
شعب نونو لسة بيوسخ هدومه
ماشي تايه في الشوارع لا هو رايح ولا راجع
كلمة بتوديه في ثانية كلمة بترده لجنونه
شعب نونو
لسة مااتعلمش يحبي وعينه رايحه ع الكراسي
لامم العالم بزنه هي لعبة ولا راسي ؟
فاكر الدنيا دي ملكه وربنا ما خلقش دونه
شعب نونو
ياما هنناه وياما كان عشاه هم وجانا
ياما رضعناه هوانا يا ما فطمناه بعدانا
ونكران الجميل في طبعه ملحنا وعيشنا يخونه
شعب نونو
شعب ما تعرفش ليه عينه طالعة ع الجنيه
هي ناقصاه القيافة والفلوس تجري ف إيديه
دي الحياة فانية ويا بخته اللي نام راضية عيونه
شعب نونو
قال وإيه آخر المتمة جاي يقول ديموقراطية
هي بزازة في بقة ولا دي خيبة قوية
لو مرض داير وصابه الدوا هانسقيهوله
شعب لولو
أحمد خلف عبد الرحيم
arkhalef2002@yahoo.com

لسة مسكالنا العصايا

لسه ماسكالنا العصايا
داحنا محتاجين رباية
قيدينا ..أدبينا ..جوه حضنك سلسلينا
داحنا مهما كبرنا من غيرك ولايا
ياللي ماسكالنا العصايا
******************
مين يقول ان القلم منك قسية
ولا تكشيرتك في خلقتنا قضية
ولا تكديرك وتأديبك خطية
دا انت خايفة علينا منا م البداية
ياللي ماسكالنا العصاية
******************
اوعي تسمحي لصوتنا يثور
ولا لعيوننا تفتح .. تشتهي غيرك أراضي أو بحور
مين نكون علشان نعاندك
أو عشان يملى الأمل فينا الصدور
ادعي لينا .. أو علينا ..واطلبي لينا الهداية
ياللي ماسكالنا العصايا
******************
نبقى مين علشان نقوم نصرخ في وشك
ولا بالمية نرشك
داحنا حتى ما نستاهلش دودك ومشك
ريحينا ..قوليلنا إيه آخر الحكاية
ياللي ماسكالنا العصايا

أحمد خلف عبد الرحيم
arkhalef2002@yahoo.com